5. Oskar ("Chelsi"dan "Shanxay"ga, 2017 yil – 60 million funt)
Diyego Kosta uchun 57 million funt olish "Chelsi"ning eng aqlli yurishlaridan biri bo‘lgan. Ammo Oskar kabi iqtidorni sotish haqida bunday demagan bo‘lardik. Afsuski, bu voqea 2017 yilda yuz beradi. Jeymi Karrager ushbu transferni Oskar uchun "sharmandali" deya izoh bergan. Balki braziliyalik futbolchi sharmandasi chiqib ham yashayverar, buni bilmadik. Hech bo‘lmaganda, uning Xitoyda olayotgan pullari futbolchiga taskin beradi.
4. Mixail Mudrik ("Shaxtyor"dan "Chelsi"ga, 2023 yil – 62 million funt)
Siz Mudrikning ko‘chishi 89 million funtlik bo‘lishi haqida ko‘p o‘qigandirsiz. Ammo hozircha "Chelsi" u uchun 62 million funt sarfladi xolos. Agarda Mudrik Angliyada o‘zidan kutilgan ishonchni oqlay olsa, u holda londonliklar hujumchi uchun yana 25 million funt qo‘shib berishi mumkin. Mudrik "Arsenal"ga o‘tmadi. U "Chelsi"da 8 yarim yillik bitim tuzdi.
3. Dushan Vlaxovich ("Fiorentina"dan "Yuventus"ga, 2022 yil – 66.6 million funt)
"Fiorentina" safida bir nechta rekordlarni yangilab tashlagani bilan tanilgan Vlaxovich, o‘tgan qishda "Yuventus" futbolchisiga aylangan edi. 22 yoshli hujumchi uchun "Arsenal" ham qiziqish bildirgan. Ammo serbiyalik Italiyada qolishni ma’qul ko‘rdi. Undan keyingi voqealarni esa yaxshi bilasiz.
2. Virjil van Deyk ("Sautgempton"dan "Liverpul"ga, 2018 yil – 75 million funt)
2018 yilning ilk kunida amalga oshirilgan transfer o‘sha paytning eng qimmat xaridiga aylangandi. Barcha van Deykning sotib olingan pulini ko‘p deb hisoblagan. Vaqt ko‘rsatdiki, bu xarid aslida arzon bo‘lgan ekan. Van Deyk "Enfild"da nimalar qilib tashlaganidan xabaringiz bor. U "Liverpul"ni eng yaxshi himoyaga ega jamoaga aylantirdi.
1. Filippe Kautinyo ("Liverpul"dan "Barselona"ga, 2018 yil – 142 million funt)
"Liverpul" 2017 yilning yozida "Barsa"ning Kautinyo uchun yo‘llagan uchta taklifini rad etgandi. Bu transfer baribir sodir bo‘ldi. Ispan klubi taklifini yana 20 million funtga oshirdi va Kautinyoni qishda sotib oldi. Biroq, bu transferdan na Kautinyo va na "Barsa" yutdi. "Liverpul"dan tashqari, albatta. Hammasi katta iste’dodning so‘nishi bilan yakun topdi.
ISMATOV J.
