«Inter» himoyachisi Milan Shkrinyarning maoshi «PSJ» bilan shartnoma imzolaganidan so‘ng ma’lum bo‘ldi.
Insayder Nikolo Skiraning xabar berishicha, 27 yoshli slovakiyalik yiliga 11 million yevro oladi. Shuningdek, u 16 million yevrolik shartnoma imzolash uchun bonuslarga ham ega bo‘ladi. Futbolchi bilan 2027 yilgacha shartnoma imzolanishi ma’lum qilingandi.
«Inter» futbolchiga yiliga 6,5 million yevro taklif qilgan, shundan 500 mingi bonus to‘lovi sifatida kelgan.
Himoyachi joriy mavsumda barcha turnirlar doirasida 26 ta o‘yinda maydonga tushdi va 1 ta golli uzatmani amalga oshirdi.
