"Chelsi" "Benfika" yarim himoyachisi Enso Fernandes transferi bo‘yicha muzokaralarga qaytdi. Jurnalist Fabrisio Romanoning ijtimoiy tarmoqdagi sahifasida ma’lum qilishicha, "ko‘klar" futbolchini har qanday holatda ham sotib olmoqchi va Lissabon klubi uning shartnomasidagi band sifatida talab qilayotgan 120 million yevroni to‘lashga tayyor.
"Benfika" prezidenti Rui Koshta hamon qishda futbolchining ketishiga rozi bo‘lishni istamayapti, biroq "Chelsi" transfer oynasining qolgan soatlarida shartnoma imzolashga intiladi. London klubi rahbariyati "Brayton" yarim himoyachisi Moises Kaysedo va "Everton" yarim himoyachisi Amadu Onana bilan shartnoma imzolamagach, maydon markazidagi pozisiyani mustahkamlamoqchi.