Diyego Simeone Chempionlar Ligasi va Ispaniya Kubogidan chiqib ketganidan keyin motivasiyasi haqidagi savolga javob berdi.
"Atletiko"ning o‘ziga xos hayot tarzi va fikrlash tarzi bor. Ishlar yaxshi bo‘lmasa ham, biz kurashni to‘xtatmasligimiz va o‘z pozisiyamizda turishimiz kerak.
Biz Chempionlar ligasidan, Ispaniya kubogidan chiqib ketdik, hozir hamma mendan motivasiya haqida so‘rayapti. Motivasiya - "Atletiko Madrid"da ishlash. Men shu yerda ekanman, buni talab qilishimga shubham yo‘q.
Men jamoa uchun juda xursandman. Jahon chempionatidan qaytganidan beri hamma yaxshi va barqaror ishlamoqda. Biz erishayotgan narsamizga yaqinlashayotganimizni his qilyapmiz. “Osasuna” o‘z maydonida juda kuchli va so‘nggi daqiqalar og‘ir kechganligi uchun o‘zimizdagi qarshi hujumlarda hisobni oshira olmaganimiz achinarli bo‘ldi”, – dedi Simeone “Osasuna”ga qarshi o‘yindan (1:0) keyin.
Ispaniya kubogi 1/4 finalida “Atletiko” qo‘shimcha bo‘limlarda “Real”ga imkoniyatni boy berdi (1:3). Chempionlar ligasida jamoa guruhda oxirgi o‘rinni egalladi.
