Sky Sports xabariga ko‘ra, "Brayton" "Arsenal"ning yarim himoyachi Moyses Kaysedo bo‘yicha ikkinchi taklifini rad etdi.
“Chag‘alaylar” 21 yoshli ekvadorlik futbolchini 70 million funtga sotishdan bosh tortishdi. Klub avvalroq 60 million funtlik taklifni rad etgan edi.
"Brayton" hali ham futbolchi bilan xayrlashish niyatida emas, garchi o‘yinchining o‘zi jamoani o‘zgartirishni istasa ham.
Kaysedo “Brayton”ga 2021 yilning fevralida kelib qo‘shilgan. 2022/23 yilgi mavsumda u jamoa safida 21 ta o‘yinda maydonga tushib, 1 ta gol urdi va 1 ta golli uzatmani amalga oshirdi.
Agar "Brayton" Kaysedoni Arsenalga 70 million funtga qo‘yib yuborsa, bu jamoa tarixidagi rekord savdo bo‘ladi.