"Yuventus" hujumchisi Dushan Vlaxovich yaqin orada turinliklar jamoasini tark etishi mumkin, deb xabar beradi Calciomercato.it.
Manbaning xabariga ko‘ra, "Yuve" rahbariyati klubga nisbatan sanksiyalar qo‘llanilganidan so‘ng byudjetdagi muammolar tufayli serbiyalik hujumchi bilan xayrlashishga tayyor. Italiyaliklar hujumchining transferi uchun kamida 80 million yevro olishni rejalashtirmoqda.
Avvalroq, serbning xizmatlariga "Arsenal", "Chelsi" va "Manchester Yunayted" klublari qiziqish bildirayotgani xabar qilingandi.
Vlaxovich “Yuventus”da 2022 yilning yanvaridan buyon to‘p suradi. Uning Italiya jamoasi bilan amaldagi shartnomasi 2026 yilgacha mo‘ljallangan.
Oldinroq uning agenti futbolchi qishki transfer oynasida "Yuventus"ni tark etishi mumkinligini aytgandi.
Joriy mavsumda 23 yoshli serb Turin klubi safida barcha turnirlar doirasida 16 ta o‘yin o‘tkazib, 7 ta gol urdi va 2 ta golli uzatmani amalga oshirdi. Transfermarkt portaliga ko‘ra futbolchining narxi 80 million yevroga baholanmoqda.
