"Chelsi" va "Benfika" Enso Fernandesning transferi borasida haligacha kelisha olishmayapti.

Record nashri xabariga ko‘ra, 22 yoshli yarim himoyachi endi Lissabon klubida qolishga yaqinroq. "Chelsi" haligacha "Benfika" bilan transfer shartlari bo‘yicha kelishib olgani yo‘q.

Portugaliyaliklar Ensoni mavsum oxirigacha saqlab qolish uchun hamma narsani qilishga harakat qilmoqda.

Qayd etilishicha, “Benfika” va “Chelsi” o‘rtasidagi muzokaralar davom etayotgani sababli yarim himoyachi bugungi Portugaliya chempionatining “Aruka”ga qarshi o‘yinini o‘tkazib yuboradi.

Oldinroq Ensoning "Chelsi"ga transferi 130 million yevroni tashkil qilishi mumkinligi xabar qilingandi.