"Челси" ва "Бенфика" Энцо Фернандеснинг трансфери борасида ҳалигача келиша олишмаяпти.
Record нашри хабарига кўра, 22 ёшли ярим ҳимоячи энди Лиссабон клубида қолишга яқинроқ. "Челси" ҳалигача "Бенфика" билан трансфер шартлари бўйича келишиб олгани йўқ.
Португалияликлар Энцони мавсум охиригача сақлаб қолиш учун ҳамма нарсани қилишга ҳаракат қилмоқда.
Қайд этилишича, “Бенфика” ва “Челси” ўртасидаги музокаралар давом этаётгани сабабли ярим ҳимоячи бугунги Португалия чемпионатининг “Арука”га қарши ўйинини ўтказиб юборади.
Олдинроқ Энцонинг "Челси"га трансфери 130 миллион еврони ташкил қилиши мумкинлиги хабар қилинганди.
