Taniqli insayder Fabrisio Romano Sofyan Amrabatni “Fiorentina”dan “Barselona”ga o‘tishining ilojisi yo‘qligini ma’lum qildi.
Kataloniyaliklar 26 yoshli yarim himoyachini sotib olish imkoniyati bilan mavsum oxirigacha ijaraga berishga harakat qilishdi, biroq "binafsharanglilar" bu taklifni rad etishdi.
Yaqinda Ispaniya OAVsi marokashlik futbolchining transferi bo‘yicha olib borilayotgan ishlar haqida xabar bergan edi, biroq Romano bu ma’lumotni rad etdi. Romanoning xabariga ko‘ra, "Barselona"da Amrabatni yanvarda o‘z safiga qo‘shib olish imkoniyati yo‘q. "Fiorentina" o‘yinchini ijaraga berishni qat’iyan rad etadi va "ko‘k-anorranglilar" to‘liq transfer yoki kelajakda sotib olish majburiyatini ololmaydi.
