Таниқли инсайдер Фабрицио Романо Софьян Амрабатни “Фиорентина”дан “Барселона”га ўтишининг иложиси йўқлигини маълум қилди.
Каталонияликлар 26 ёшли ярим ҳимоячини сотиб олиш имконияти билан мавсум охиригача ижарага беришга ҳаракат қилишди, бироқ "бинафшаранглилар" бу таклифни рад этишди.
Яқинда Испания ОАВси марокашлик футболчининг трансфери бўйича олиб борилаётган ишлар ҳақида хабар берган эди, бироқ Романо бу маълумотни рад этди. Романонинг хабарига кўра, "Барселона"да Амрабатни январда ўз сафига қўшиб олиш имконияти йўқ. "Фиорентина" ўйинчини ижарага беришни қатъиян рад этади ва "кўк-анорранглилар" тўлиқ трансфер ёки келажакда сотиб олиш мажбуриятини ололмайди.
