"Chelsi" hali "Benfika"dan Enso Fernandesni sotib olganini rasman e’lon qilmagan. Biroq London klubi matbuot xizmati bu tez orada amalga oshishiga shama qilgan.
"Chelsi"ning Twitter'dagi rasmiy sahifasi tavsifida Argentina bayrog‘i va Chempionlar kubogi emojisi paydo bo‘ldi. O‘tgan yilning dekabr oyida Enso Argentina terma jamoasi safida jahon chempioni bo‘lgandi.
Oldinroq London klubi 22 yoshli argentinalik uchun 120 million yevro to‘lashi, bu APL rekordi bo‘lishi ma’lum bo‘lgandi. Futbolchi bilan 2031 yilgacha mo‘ljallangan shartnoma imzolanadi.
Enso joriy mavsumda barcha turnirlarda 29 ta o‘yinda maydonga tushib, 4 ta gol urdi va 7 ta golli uzatmani amalga oshirdi.
