"Surxon" jamoasi "Red Button" kelishilgan o‘yinlarga qarshi loyiha doirasidagi taqdimotda ishtirok etdi.
Jamoaga yangi futbolchilar kelgan. Yigitlarga bu tizim qanday ishlashi tushuntirildi. Har bir futbolchiga "Red Button" kartochkalari taqdim etildi
O‘zbekiston futbolchilar uyushmasi rahbari Kamoliddin Murzoyev bilan bu haqida "Surxon" matbuot xizmatiga kichik intervyu berdi:
"Klubingiz bizning "Red Button" loyihamiz doirasida tushuntirish o‘tkazishimizni so‘rab murojaat qildi. Jamoangiz yangilangan, yangi futbolchilar kelgan. Shuning uchun biz kelishilgan o‘yinlarga qarshi loyihamiz “Red Button” haqida taqdimot o‘tkazdik. Yigitlarga bu tizim qanday ishlashini tushuntirdik. Har bir futbolchiga “Red Button” kartochkalarini taqdim etdik. Ular bunday vaziyatlarda eng avvalo o‘zini himoya qilishi uchun, shuningdek, kelishilgan o‘yinlarga ichkaridan turib yordam berishi uchun" - dedi Kamol Murzoyev.
