Nikolo Dzanyolo "Roma"ni sudga berishi mumkin.
Il Messaggero xabariga ko‘ra, futbolchi va uning atrofidagilar mavsum oxirigacha jamoadan chetlatilgani munosabati bilan sudga murojaat qilish haqida o‘ylashmoqda. Dzanyolo "Roma"ni tark etish qaroridan keyin yuzaga kelgan "tazyiq va psixologik bosim" uchun sudga bermoqchi.
Kutilganidek, Nikolo muntazam ravishda individual mashg‘ulotlarda qatnashadi, garchi u kechagi mashg‘ulotlarni "Roma"ning ruxsatisiz o‘tkazib yuborgan bo‘lsa ham.
Eslatib o‘tamiz, yanvar oyidagi transfer oynasi vaqtida Dzanyolo "Roma"dan ketish so‘rovi bilan chiqqan edi, biroq klub faqat bitta rasmiy taklif oldi - "Bornmut". Uni qabul qilib, "Roma" yarim himoyachiga ultimatum qo‘ydi - u ingliz klubiga o‘tishga rozi bo‘lishi yoki 2024 yilning yoziga qadar tuzilgan shartnomasi oxirigacha zaxirala qolish xavfiga duch kelishi kerak edi.
Dzanyolo transferni rad etdi, "Roma" esa uni vaqtinchalik diskvalifikasiya qildi. 30 yanvar oqshomida u o‘z fikrini o‘zgartirib, “Bornmut”ga o‘tishga rozi bo‘ldi, biroq o‘shanda qishda ko‘p pul sarflagan britaniyaliklar kelishuvni rad etishdi.
