Николо Дзаньоло "Рома"ни судга бериши мумкин.
Il Messaggero хабарига кўра, футболчи ва унинг атрофидагилар мавсум охиригача жамоадан четлатилгани муносабати билан судга мурожаат қилиш ҳақида ўйлашмоқда. Дзаньоло "Рома"ни тарк этиш қароридан кейин юзага келган "тазйиқ ва психологик босим" учун судга бермоқчи.
Кутилганидек, Николо мунтазам равишда индивидуал машғулотларда қатнашади, гарчи у кечаги машғулотларни "Рома"нинг рухсатисиз ўтказиб юборган бўлса ҳам.
Эслатиб ўтамиз, январь ойидаги трансфер ойнаси вақтида Дзаньоло "Рома"дан кетиш сўрови билан чиққан эди, бироқ клуб фақат битта расмий таклиф олди - "Борнмут". Уни қабул қилиб, "Рома" ярим ҳимоячига ултиматум қўйди - у инглиз клубига ўтишга рози бўлиши ёки 2024 йилнинг ёзига қадар тузилган шартномаси охиригача захирала қолиш хавфига дуч келиши керак эди.
Дзаньоло трансферни рад этди, "Рома" эса уни вақтинчалик дисквалификация қилди. 30 январь оқшомида у ўз фикрини ўзгартириб, “Борнмут”га ўтишга рози бўлди, бироқ ўшанда қишда кўп пул сарфлаган британияликлар келишувни рад этишди.
