Rojer Shmidt Enso Fernandesning "Chelsi"ga o‘tishi haqida fikr bildirdi.

“Qishki transfer oynasida yaxshi futbolchilarni yo‘qotish har doim qiyin. Lekin biz usiz ham yaxshi futbol o‘ynashimiz mumkinligini, futbolchilar bor e’tiborini imkon qadar ko‘proq ochko olishga, chempion bo‘lishga qaratilganligini ko‘rsatdik. Bu bizning maqsadimiz.

"Benfika" har qanday futbolchidan ancha katta. Bizga “Benfika”da o‘ynashdan xursand bo‘lgan va ishtiyoqga to‘la futbolchilar kerak.

Agar kimdir ketishga qaror qilsa va klub uchun pul to‘lashga tayyor bo‘lsa, biz hech narsa qila olmaymiz. Biz buni qabul qilamiz va davom etamiz”, dedi “Benfika” murabbiyi.