Pep Gvardiola shogirdlari so‘nggi mavsumlarda Angliya premyer-ligasida yaqqol ustunlik qilishdi. Hech qanday zaif tomonlar yo‘qdek tuyuldi, ammo ba’zi savollar paydo bo‘ldi. Serxio Aguero klubni tark etgach, jamoada haqiqiy hujumchi bilan bog‘liq muammolar yuzaga keldi, yuqori o‘yin ko‘rsatishga qodir futbolchi topilmadi. Erlingni sotib olish bu muammoni hal qildi, ammo boshqa bir qator asoratlar ham mavjud.
Bu boradagi statistika pasaygan, ammo «shaharliklar» hali ham ko‘plab ko‘rsatkichlar bo‘yicha yetakchilik qilmoqda. Ayni dam «Manchester Siti» peshqadam «Arsenal»dan 5 ochko ortda qolayotganiga qaramay, XG bo‘yicha eng yaxshi ko‘rsatkichga ega bo‘lib turibdi. Xuddi shunday holat avvalgi mavsumlarda ham sodir bo‘lgan, o‘shanda «shaharliklar»ning asosiy raqibi «Liverpul» bo‘lgan. «Qizillar» peshqadam bo‘lgan o‘sha davrlarda ham kutilgan gol va ochkolar, yaratilgan imkoniyatlar hamda boshqa ko‘plab statistikalar Pep Gvardiola shogirdlarida yuqori o‘rinlarda saqlanib qolgan.
Joriy mavsumdagi ko‘rsatkichlarni «Siti»ning o‘tmishdagi natijalari bilan solishtirsak, jamoa qanchalik cho‘kib ketgani oydinlashadi. 21/22 mavsumning 20-turida urilgan va o‘tkazib yuborilgan gollar o‘rtasidagi farq 39 gol (51 gol va 12 gol o‘tkazib yuborilgan) bo‘lgandi. Joriy mavsumda xuddi shunday sondagi o‘yinlarda farq 33 taga yetdi (53 ta gol urilgan va 20 ta o‘tkazib yuborilgan). Ko‘rinib turibdiki, bu farq unchalik muhim emas, ammo jamoa to‘plagan ochkolarga ham havas qilib bo‘lmaydi. O‘tgan yili xuddi shu turgacha bo‘lgan vaqtda jamoa 5 ochko ko‘p to‘plangan edi. Chempionlik uchun kurashda har bir kichik narsa muhim va buni «Siti» juda yaxshi biladi. Ba’zi natijalarni taqvimning murakkabligi, Premyer-ligadagi klublar saviyasining oshgani, so‘nggi jahon chempionati bilan bog‘lash mumkin, ammo ko‘rsatkichlarning keskin pasayishi boshqa omillarga ham bog‘liq. Raqiblar Xolandni yopishga muvaffaq bo‘lgan vaziyatlarda jamoa hujumda nima qilishni bilmay qolgan o‘yinlar ko‘p bo‘ldi. Raqib Xolandni yopgan o‘yinlarda «Siti» qiyinchiliklarga duch kelmoqda. Xoland oktyabr oyi boshida «Manchester Yunayted»ga qarshi o‘yinda xet-trik qayd etdi. Ammo shunday uchrashuvlar bo‘ldiki, unda raqiblarning himoya chizig‘i Erlingga qarshi o‘ziga xos o‘yin ko‘rsatdi va bu Pepni hayratda qoldirdi. «Enfild»da «Liverpul»ga qarshi o‘yinda hujumchida gol urish uchun 1 ta imkoniyat bo‘ldi. Shundan so‘ng «Siti»da Alissonga gol urish uchun boshqa imkoniyat qolmadi. Futbolchilar hujumni rivojlantirishning muqobil variantlarini topa olmay, raqib jarima maydonchasida to‘pni qidirib qolyapti. Yaqinda «Old Trafford»da bo‘lib o‘tgan o‘yinda ham xuddi shunday manzara kuzatildi. «Manchester Yunayted» himoyachisi Kazemiro Xolandga qarshi mukammal o‘ynadi va «shaharliklar» yarim himoyasi to‘pni hujumchiga uzatishda qiyinchilikka uchradi. Bu esa Erlingni tez-tez maydon markaziga qaytishga majbur qildi, uning asl joyi esa raqib jarima maydonchasida. Bunday harakatlarni oldindan aytish mumkin edi va Ten Xag o‘zining asl o‘yin rejasida aynan shu narsaga ishongan. Natijada hujumchi darvoza tomon bor yo‘g‘i 1 marta zarba berdi, bu esa darvozabon uchun xavfli bo‘lmadi.
«Siti» va «Arsenal» o‘rtasidagi kubok o‘yinida Mikel Arteta bosim ostida qoldi, shu sababli «shaharliklar» darvozaboni Ortega to‘pni Erlingga to‘g‘ridan-to‘g‘ri yuborishga majbur bo‘ldi. Bu hujumni rivojlantirishning yagona varianti edi. Biroq Rob Xoldingning shaxsan o‘zi Xolandga qarshi o‘ynadi, ko‘pchilik uchun kutilmagan holda, u norvegiyalikni mukammal blokladi va unga «kanonirlar» darvozasi oldida hech qanday xavf tug‘dirishga imkon bermadi. «Arsenal» darvozasidagi yagona xavfli zarbani Natan Ake golga aylantirdi. Boshqa vaziyatlarda esa «shaharliklar»ning hujumini liga peshqadami himoyachilari juda yaxshi qaytarishdi. Gvardiola asta-sekin «Siti»ning o‘yinini Xolandga moslashtirmoqda. «Manchester Siti»ning hozirgi o‘yini avvalgi mavsumlardagidan tubdan farq qiladi, o‘shanda Xoland o‘rniga Foden, Sterling, Jezus o‘ynay olardi. 21/22 mavsumda «shaharliklar» har bir raqibining darvozasi oldida 5 dan ortiq xavfli vaziyatlar yaratishga muvaffaq bo‘lgan, biroq ularni to‘liq amalga oshirishda muvaffaqiyatsizlikka uchradi. Eng yorqin misol - mart oyidagi «Kristal Pelas»ga qarshi o‘yindagi durang, «Manchester Siti» futbolchilari qayta-qayta raqib darvozasi tomon xavfli vaziyatlar uyushtirdi. Juda yaqin masofalardan zarba berishdi, lekin gol ura olishmadi. Jamoada hujumchi yo‘qligi ancha pand berdi. De Bryuyne hujumchi yo‘qligi uchun ustunga zarbalar yo‘llashdan charchamadi. Xolandning kelishi bilan hujumlar samaradorligini oshirish masalasi hal qilindi, ammo himoyaviy o‘yin, shuningdek, norvegiyalikning o‘yini yaxshi chiqmasa, jamoa qanday o‘ynash kerakligini unutib qo‘ymoqda. Erling «shaharliklar» o‘yiniga katta ta’sir ko‘rsatadi va Gvardiola norvegiyalik uchun hatto butun sxemani o‘zgartirdi. Himoyaviy o‘yin, jamoaviy pressing va hujumkor tarkib allaqachon ko‘p o‘zgarishlarga uchradi. Biroq bu orqali natija biroz kechroq ko‘rinishi mumkin.
