Yarim himoyachi Temuye Bakayoko «Milan»da ushbu mavsumni yakunlaydi, deya xabar beradi insayder Janluka di Marsio.
Manba bergan xabarga ko‘ra, qishki transfer oynasida uni qo‘lga kiritishga uringan Turkiyaning «Adana Demirspor» klubi yakunda muvaffaqiyatsizlikka uchragan. Shuningdek, Bakayoko o‘ziga qiziqish bildirgan «Kremoneze»ga o‘tmadi.
Qayd etilishicha, 28 yoshli yarim himoyachi joriy mavsumda jamoasiga yordam berish uchun «Milan»da qolishga qaror qilgan.
Bakayoko 2021 yilning iyunidan beri ijara asosida «Milan»da o‘ynamoqda, kelishuv 2023 yilning iyunigacha amal qiladi.
