«Ayaks» bosh direktori Edvin van der Sar Jon Xaytinganing jamoaga bosh murabbiy etib tayinlanishi haqida fikr bildirdi.
«Biz bu to‘g‘ri qaror ekaniga aminmiz. Jon ehtiyotkor va bosqichma-bosqich to‘g‘ri yo‘ldan boradi, bu unga murabbiy sifatida juda yaxshi rivojlanishiga imkon beradi.
Djerri Xamstra, Klaas Yan Xuntelaar va men Jonning bu lavozimga tayinlanishi haqida gaplashdik.
Biz uning fazilatlari va u ko‘rsatayotgan qarashlariga ishonamiz. Endi jamoa ko‘p ochko to‘plashi muhim. Bu mavsumda chempionlik uchun kurashish uchun hali yetarlicha vaqtimiz bor», - deya van der Sarning so‘zlarini keltirmoqda «Ayaks» matbuot xizmati.