«Аякс» бош директори Эдвин ван дер Сар Жон Хайтинганинг жамоага бош мураббий этиб тайинланиши ҳақида фикр билдирди.
«Биз бу тўғри қарор эканига аминмиз. Жон эҳтиёткор ва босқичма-босқич тўғри йўлдан боради, бу унга мураббий сифатида жуда яхши ривожланишига имкон беради.
Джерри Хамстра, Клаас Ян Хунтелаар ва мен Жоннинг бу лавозимга тайинланиши ҳақида гаплашдик.
Биз унинг фазилатлари ва у кўрсатаётган қарашларига ишонамиз. Энди жамоа кўп очко тўплаши муҳим. Бу мавсумда чемпионлик учун курашиш учун ҳали етарлича вақтимиз бор», - дея ван дер Сарнинг сўзларини келтирмоқда «Аякс» матбуот хизмати.
