Madridning “Real” klubi o‘z maydonida “Valensiya” ustidan ketma-ket beshinchi g‘alabani qo‘lga kiritdi.
La Liganing 17-turidan o‘rin olgan qoldirilgan o‘yinda Karlo Anchelotti shogirdlari 2:0 hisobida g‘alaba qozonishdi.
Madridliklar oxirgi marta 2017 yilning 27 avgust kuni “Valensiya”ga qarshi o‘z uyida ochko yo‘qotgan edi. O‘shandan beri ularda 5 ta g‘alaba bor, umumiy hisobda 13:1.
"Valensiya" 2008 yilning 23 martidan beri "Real"ni mag‘lub eta olmayapti.
Madridning boshqa klublariga qarshi o‘yinlarni hisobga olsak, bu jamoa 2013 yildan beri Ispaniya poytaxtida chempionatda g‘alaba qozona olmayapti - 8 durang va 17 mag‘lubiyat.
