«Real» va «Sevilya»ning sobiq yarim himoyachisi Isko Ispaniyadan «Tumanli Albion»ga o‘tishi mumkin. 

The Times jurnalistlariga ma’lum bo‘lishicha, 30 yoshli ijrochi xizmatlariga «Everton» qiziqish bildirmoqda. Ingliz klubi erkin agent bo‘lgan futbolchi bilan shartnoma imzolashga tayyor.

Oldinroq OAVda Iskoning Berlinga yo‘l olishi mumkinligi haqida xabarlar tarqalgandi, biroq tomonlar kelisha olmadi va kelishuv barbod bo‘ldi.

Joriy mavsumda yarim himoyachi Ispaniya chempionatining 12 ta uchrashuvida qatnashib, 2 ta golli uzatmani amalga oshirdi. Yarim himoyachining transfer narxi 9 million yevroga baholanmoqda.