«Реал» ва «Севилья»нинг собиқ ярим ҳимоячиси Иско Испаниядан «Туманли Албион»га ўтиши мумкин.
The Times журналистларига маълум бўлишича, 30 ёшли ижрочи хизматларига «Эвертон» қизиқиш билдирмоқда. Инглиз клуби эркин агент бўлган футболчи билан шартнома имзолашга тайёр.
Олдинроқ ОАВда Исконинг Берлинга йўл олиши мумкинлиги ҳақида хабарлар тарқалганди, бироқ томонлар келиша олмади ва келишув барбод бўлди.
Жорий мавсумда ярим ҳимоячи Испания чемпионатининг 12 та учрашувида қатнашиб, 2 та голли узатмани амалга оширди. Ярим ҳимоячининг трансфер нархи 9 миллион еврога баҳоланмоқда.
