Yarim himoyachi Moyses Kaysedoning agenti "Brayton'ni mijozining yanvar oyida orzusini amalga oshirishiga to‘sqinlik qilgani uchun tanqid qildi.

"Brayton" Kaysedo uchun "Arsenal"dan 70 million funt sterlinglik ikkinchi taklifni rad etganidan so‘ng, Moyses jamoani tark etishni istayotgani haqida bayonot berdi.

Biroq, klub Kaysedo sotilmasligini ta’kidlab, "Arsenal"ni "Chelsi"dan Jorjinyoni sotib olishga majbur bo‘lishiga sabab bo‘ldi.

Agent Manuel Siyerra "chag‘alaylar"ning bu xatti-harakatidan norozi va 21 yoshli ekvadorlik ikkinchi bunday imkoniyatga ega bo‘lmasligidan qo‘rqadi.

"Unga takliflar bo‘ldi. Qanchalik pul taklif qilinganini o‘zingiz ko‘rdingiz, Moyses esa olg‘a intmoqchi ekanligini va bu uning hayotidagi orzusi ekanini aytdi. Bunday imkoniyat boshqa takrorlanmasligi mumkin.

Biz unga bayonot yozishga yordam berdik. O‘sha bayonotda u o‘z istagini va unga Premyer-ligadagi orzusini amalga oshirish imkoniyatini bergani uchun klubga minnatdorchilik bildirdi. Ertaga nima bo‘lishini bilmaymiz. U mashg‘ulotlarda jarohat olishi mumkin. Biz nima bo‘lishini hech qachon oldindan bilmaymiz", - deya Siyerraning so‘zlarini keltiradi Daily Express.