Ярим ҳимоячи Мойсес Кайседонинг агенти "Брайтон'ни мижозининг январь ойида орзусини амалга оширишига тўсқинлик қилгани учун танқид қилди.
"Брайтон" Кайседо учун "Арсенал"дан 70 миллион фунт стерлинглик иккинчи таклифни рад этганидан сўнг, Мойсес жамоани тарк этишни истаётгани ҳақида баёнот берди.
Бироқ, клуб Кайседо сотилмаслигини таъкидлаб, "Арсенал"ни "Челси"дан Жоржиньони сотиб олишга мажбур бўлишига сабаб бўлди.
Агент Мануэл Сиерра "чағалайлар"нинг бу хатти-ҳаракатидан норози ва 21 ёшли эквадорлик иккинчи бундай имкониятга эга бўлмаслигидан қўрқади.
"Унга таклифлар бўлди. Қанчалик пул таклиф қилинганини ўзингиз кўрдингиз, Мойсес эса олға интмоқчи эканлигини ва бу унинг ҳаётидаги орзуси эканини айтди. Бундай имконият бошқа такрорланмаслиги мумкин.
Биз унга баёнот ёзишга ёрдам бердик. Ўша баёнотда у ўз истагини ва унга Премьер-лигадаги орзусини амалга ошириш имкониятини бергани учун клубга миннатдорчилик билдирди. Эртага нима бўлишини билмаймиз. У машғулотларда жароҳат олиши мумкин. Биз нима бўлишини ҳеч қачон олдиндан билмаймиз", - дея Сиерранинг сўзларини келтиради Daily Express.
