"Lids" bosh murabbiyi Jessi Marsh "Chelsi"ning transfer faoliyati haqida o‘z fikrlari bilan o‘rtoqlashdi.
- "Chelsi" ushbu transfer oynasida 300 million funt sterling sarfladi. Bunday xarajatlar haqida qanday fikrdasiz va bu umuman Premyer-ligaga qanday ta’sir qiladi?
- Bu savolga Yurgen Kloppning bergan javobini ko‘rdim. Aytishim mumkinki, menga uning advokati ham javob berishi kerak (kuladi).
Ayrim klublarda katta transferlar uchun resurslar mavjud. Bu ularning afzalligi. Men butun diqqatimni "Lids"ga qaratganman. Men o‘z fikrimizga ega bo‘lgan va kechayu kunduz ishlayotgan joyda ekanligimdan juda minnatdorman.
Menimcha, biz ikkita juda muvaffaqiyatli transfer oynasini o‘tkazdik va endi tarkibimiz bir yil oldingiga qaraganda kuchliroq.
- Boshqa klublar sarflayotgan malbag‘larni ko‘rib, ularga hasad qilasizmi?
- Hasad qilish menga emas. Transferlarga ko‘p pul sarflaydigan boshqa klublarga havas qilmayman. Men "Lids"da uzoq vaqt qolishni istayman.
Chunki murabbiy uchun hamfikrlar bilan uchrashadigan joy topish juda muhim. Va men ularni "Lids"da topdim. Biz to‘liq birlashganmiz va kuchayish uchun harakat qilamiz", - dedi Marsh.
