«Barselona» qo‘shimcha daromadli variantlarni izlashda davom etmoqda, bu muhim, chunki klubning moliyaviy ahvoli og‘irligicha qolmoqda.

Mundo Deportivo nashriga ma’lum bo‘lishicha, ayni damda Kataloniya klubi libosning pastki qismiga reklama joylashtirish variantini ko‘rib chiqmoqda.

Qayd etilishicha, ushbu qismdagi reklama «Barselona»ga mavsum davomida taxminan 5 million yevro keltirishi mumkin.

Bungacha «Barselona» hali shortiklarga reklama joylashtirmagan, ammo boshqa ispan klublari buni qilishgan. Ayni damda «Barselona» Ispaniya chempionati turnir jadvalida peshqadamlik qilmoqda.