«Barselona» bosh murabbiyi Xavi Ernandes «Chelsi»ning qishki transfer bozoridagi xarajatlari haqida fikr bildirdi. Eslatib o‘tamiz, «aristokratlar» yanvar oyida 320 million yevrodan ortiq mablag‘ sarflagan edi.

«Agar «Chelsi» shunchalik ko‘p o‘yinchini sotib olgan bo‘lsa, ularda puldan muammo yo‘q. Bundan tashqari, aftidan, Angliya Premyer-ligasi qoidalari bunga ruxsat beradi. Har qanday holatda ham bor e’tiborimni «Barselona»ga qaratganman», - dedi Xavi matbuot anjumanida.

«Barselona» hozirda yangi futbolchilarni ro‘yxatdan o‘tkaza olmayapti, chunki klub moliyaviy muammolarga duch kelmoqda.

Qishda jamoa «Chelsi»dan Pyer-Emerik Obameyangni qaytarishni istadi, ammo bunga erisha olmadi.