«Барселона» бош мураббийи Хави Эрнандес «Челси»нинг қишки трансфер бозоридаги харажатлари ҳақида фикр билдирди. Эслатиб ўтамиз, «аристократлар» январь ойида 320 миллион евродан ортиқ маблағ сарфлаган эди.
«Агар «Челси» шунчалик кўп ўйинчини сотиб олган бўлса, уларда пулдан муаммо йўқ. Бундан ташқари, афтидан, Англия Премьер-лигаси қоидалари бунга рухсат беради. Ҳар қандай ҳолатда ҳам бор эътиборимни «Барселона»га қаратганман», - деди Хави матбуот анжуманида.
«Барселона» ҳозирда янги футболчиларни рўйхатдан ўтказа олмаяпти, чунки клуб молиявий муаммоларга дуч келмоқда.
Қишда жамоа «Челси»дан Пьер-Эмерик Обамеянгни қайтаришни истади, аммо бунга эриша олмади.
