"Brayton" bosh murabbiyi Roberto de Zerbi yana bir bor yarim himoyachi Moises Kaysedoni qo‘llab-quvvatladi.
Kolumbiyalik futbolchi yanvar oyida Londonning "Arsenal"iga o‘tish uchun klubni tark etmoqchi bo‘lgan, bu haqda ijtimoiy tarmoqlarda ochiq aytgan, ammo "Brayton" rahbariyati yarim himoyachini sotishdan bosh tortgan.
"Klubimizdagi hamma Kaysedoni yaxshi ko‘radi va men u biz bilan ishlashda davom etayotganidan xursandman. Moises kelasi yozda boshqa joyga ko‘chib o‘tadimi yoki yo‘qmi, bilmayman, ammo umid qilamanki, bu masala mening qo‘limda bo‘ladi", - dedi italiyalik mutaxassis.
