"Bavariya" sport direktori Xasan Salixamidjich "Manchester Siti"dan Joau Kanseluni sotib olishi haqidagi fikrlari bilan o‘rtoqlashdi.
"U Myunxenda yaxshi harakat qilmoqda - bu hozir eng muhimi. U mavsumning ikkinchi yarmida muntazam o‘ynash imkoniyatiga ega bo‘ladi.
Agar barcha tomonlar manfaatdor bo‘lsa, biz sotib olish shartlari bo‘yicha kelishib olishimiz mumkin. Joau biladiki, biz u bilan bir necha yil shartnoma imzolashni juda xohlagan edik”, - dedi Salixamidjich.
"Bavariya" Kanseluni ijaraga olganini e’lon qildi. 28 yoshli portugaliyalik bilan shartnoma muddati 2022/23 yilgi mavsum oxirigacha hisoblangan.
"Bavariya" Bundesligada 18 turdan keyin 37 ochko bilan peshqadamlik qilmoqda.