Misr terma jamoasi va "Liverpul" hujumchisi Muhammad Saloh Angliyadan Fransiyaga ko‘chib o‘tishi mumkin.

Goal.com portalining yozishicha, afrikalik futbolchiga parijliklar qiziqish bildirmoqda.

Manbaning qayd etishicha, "PSJ" rahbariyati futbolchi bilan dastlabki muzokaralarni o‘tkazgan. O‘z navbatida, "Liverpul" hujumchiga yaxshi tovon puli taklif qilinsa, u bilan xayrlashishga tayyor ekanligini bildirdi. Transfermarkt portali uning narxini 80 million yevroga baholamoqda.

Salohning "mersisaydliklar" bilan shartnomasi 2025 yilning yoziga qadar tuzilgan. Misrlik futbolchi joriy mavsumda APLda 20 ta o‘yinda maydonga tushib, 7 ta gol urdi va 4 ta golli uzatmaga mualliflik qildi.