Миср терма жамоаси ва "Ливерпуль" ҳужумчиси Муҳаммад Салоҳ Англиядан Францияга кўчиб ўтиши мумкин.
Goal.com порталининг ёзишича, африкалик футболчига парижликлар қизиқиш билдирмоқда.
Манбанинг қайд этишича, "ПСЖ" раҳбарияти футболчи билан дастлабки музокараларни ўтказган. Ўз навбатида, "Ливерпуль" ҳужумчига яхши товон пули таклиф қилинса, у билан хайрлашишга тайёр эканлигини билдирди. Transfermarkt портали унинг нархини 80 миллион еврога баҳоламоқда.
Салоҳнинг "мерсисайдликлар" билан шартномаси 2025 йилнинг ёзига қадар тузилган. Мисрлик футболчи жорий мавсумда АПЛда 20 та ўйинда майдонга тушиб, 7 та гол урди ва 4 та голли узатмага муаллифлик қилди.
