"Manchester Yunayted"ning sobiq himoyachisi Gari Nevill klubning joriy mavsumda APL chempionligi uchun kurashdagi istiqbollari haqida gapirdi.
"Men "Manchester Yunayted" Premyer-ligada g‘olib chiqadi deb o‘ylamayman. Menimcha, ular muvaffaqiyatsizlikka uchraydi. Eriksenning jarohati bilan bog‘liq vaziyat ham quvonch qo‘shmaydi. Ammo hozir hammasi yaxshi, ular kurashib, yana baxtli ko‘rinishda davom etmoqda, bu juda muhim.
To‘g‘risini aytsam, ular chempionlikni qo‘lga kiritishadi deb o‘ylamayman va hech qachon bunday deb o‘ylamagandim. Men "Manchester Siti"ning g‘alabasini bashorat qilgandim, ammo hozir ularning o‘rnida bo‘lsam, xavotirlanardim. "Manchester Yunayted" hozirda jonbozlik ko‘rsatmoqda, "Manchester Siti" esa biroz xira ko‘rinmoqda. Bir necha hafta oldin "Tottenxem" haqida ham shunday deyishim mumkin edi, ammo ular bu vaziyatdan chiqib ketishdi. "Manchester Siti" ham undan chiqib ketishi kerak.
"Manchester Yunayted" endi yaxlit va mustahkam ko‘rinmoqda, jamoa yuqoriga qarab harakat qilayotganga o‘xshaydi. Ular yaxshi holatda va bir necha haftadan so‘ng ularni Liga kubogi finalida "Nyukasl"ga qarshi muhim o‘yin kutib turibdi. Bu ikkala klub boshidan kechirganlari nuqtai nazaridan tavakkallarga boy ajoyib o‘yin bo‘ladi", - dedi Nevill Sky Sports bilan suhbatda.
