"Манчестер Юнайтед"нинг собиқ ҳимоячиси Гари Невилл клубнинг жорий мавсумда АПЛ чемпионлиги учун курашдаги истиқболлари ҳақида гапирди.
"Мен "Манчестер Юнайтед" Премьер-лигада ғолиб чиқади деб ўйламайман. Менимча, улар муваффақиятсизликка учрайди. Эриксеннинг жароҳати билан боғлиқ вазият ҳам қувонч қўшмайди. Аммо ҳозир ҳаммаси яхши, улар курашиб, яна бахтли кўринишда давом этмоқда, бу жуда муҳим.
Тўғрисини айтсам, улар чемпионликни қўлга киритишади деб ўйламайман ва ҳеч қачон бундай деб ўйламагандим. Мен "Манчестер Сити"нинг ғалабасини башорат қилгандим, аммо ҳозир уларнинг ўрнида бўлсам, хавотирланардим. "Манчестер Юнайтед" ҳозирда жонбозлик кўрсатмоқда, "Манчестер Сити" эса бироз хира кўринмоқда. Бир неча ҳафта олдин "Тоттенхэм" ҳақида ҳам шундай дейишим мумкин эди, аммо улар бу вазиятдан чиқиб кетишди. "Манчестер Сити" ҳам ундан чиқиб кетиши керак.
"Манчестер Юнайтед" энди яхлит ва мустаҳкам кўринмоқда, жамоа юқорига қараб ҳаракат қилаётганга ўхшайди. Улар яхши ҳолатда ва бир неча ҳафтадан сўнг уларни Лига кубоги финалида "Ньюкасл"га қарши муҳим ўйин кутиб турибди. Бу иккала клуб бошидан кечирганлари нуқтаи назаридан таваккалларга бой ажойиб ўйин бўлади", - деди Невилл Sky Sports билан суҳбатда.
