"Chelsi" bosh murabbiyi Grem Potter hasad qilayotganlar ko‘pligini tan oldi. Bunga klub qishki transfer oynasida yangi kelganlar uchun 330 million yevro sarflagani sabab bo‘ldi.
“Hasad yomon sifatdir. Men hech qachon hech kimga hasad qilmaganman. Men bor sharoitda ishlashga va bor kuchimni ishga solishga harakat qildim. O‘zingizni boshqalar bilan emas, balki o‘zingiz bilan solishtirganingiz ma’qul, chunki siz kontekst yoki vaziyatni bilmaysiz. Ammo men tushunaman, bu biz yashayotgan dunyo”, - deya Potterning so‘zlarini keltirgan "Chelsi" matbuot xizmati.
Eslatib o‘tamiz, ayni damda "Chelsi" Angliya chempionati turnir jadvalida atigi 9-o‘rinni egallab turibdi.
