Turkiya futbol federasiyasi mamlakatdagi vayronkor zilzila munosabati bilan favqulodda vaziyatlarni bartaraf etish jamg‘armasiga 1 million dollar (20 million turk lirasi) yuboradi, deb xabar berdi tashkilot matbuot xizmati.
Avvalroq Turkiyaning “Galatasaroy”, “Fenerbaxche” va “Beshiktosh” futbol klublari jabrlanganlarga yordam aksiyasi boshlanganini e’lon qilgan edi.
Turkiya yoshlar va sport vaziri Mehmet Kasapoglu Turkiyadagi barcha sport tadbirlari to‘xtatilganini ma’lum qildi.
6 fevral kuni ertalab Turkiya janubi-sharqida, Suriya bilan chegaraga yaqin joyda kuchli zilzila sodir bo‘lib, keng ko‘lamli vayronagarchiliklarga olib keldi.