Туркия футбол федерацияси мамлакатдаги вайронкор зилзила муносабати билан фавқулодда вазиятларни бартараф этиш жамғармасига 1 миллион доллар (20 миллион турк лираси) юборади, деб хабар берди ташкилот матбуот хизмати.
Аввалроқ Туркиянинг “Галатасарой”, “Фенербахче” ва “Бешиктош” футбол клублари жабрланганларга ёрдам акцияси бошланганини эълон қилган эди.
Туркия ёшлар ва спорт вазири Меҳмет Касапоглу Туркиядаги барча спорт тадбирлари тўхтатилганини маълум қилди.
6 февраль куни эрталаб Туркия жануби-шарқида, Сурия билан чегарага яқин жойда кучли зилзила содир бўлиб, кенг кўламли вайронагарчиликларга олиб келди.
