Lukas Moura yozda “Tottenxem”ni tark etadi.
Braziliyalik futbolchi iyun oyida tugaydigan shartnomasini yangilamaydi va klubni erkin agent sifatida tark etadi. UOL xabariga ko‘ra, Mouraga Angliya, Italiya va Fransiya klublaridan takliflar bor.
“San-Paulu” ham yarim himoyachining holatini kuzatib bormoqda, biroq Moura faoliyatini Yevropada davom ettirishni rejalashtirmoqda. Qanot futbolchisi uzoq muddatli loyihalarga qiziqqanligi sababli kamida uch mavsumga shartnoma imzolashni kutmoqda.
Joriy mavsumda Moura “Tottenxem” safida Premyer-ligada 8 ta o‘yinda maydonga tushdi.