Xonadonda klub ramzi ilinmagan biror burchakning o‘zi yo‘q. Ayni payt Fransiyaning o‘rtamiyona jamoasi Liga 1 birinchi davrasini 13-qatorda yakunladi. E’tiborlisi, «Nant» 2,5 oy davomida biror rasmiy o‘yinni boy bergani yo‘q.

Xullas, nantliklar hozirda juda yaxshi sport formasidalar. Mag‘lubiyatsiz 9ta uchrashuv - bu zamonaviy futbol uchun vahimali natija hisoblanmaydi, albatta. Lekin bunaqasi «Nant» kabi klublar hayotida har doim ham kuzatilavermaydi. Shunday ekan, kamtarin jamoalar muxlislari har qanday ijobiy seriya­ni chinakamiga qardlashadi. «Nant»da esa bunday jonkuyar fanatlar yetarlicha topiladi.

Patu Loik Morise xonim «Nant»ni kerak bo‘lsa, jonidan ham ortiq ko‘radigan shunday muxlisalardan biridir. Bu ayolni Nant shahrida jamoa­ning eng sadoqatli muxlisasi sifatida ta’riflashadi. Uning yashash xonadoniga bosh suqqan inson darhol barchasini tushunadi. Mana, Patu xonim yaqinda ijtimoiy tarmoq orqali xohlovchilarni o‘z uyi bo‘ylab maxsus videoekskursiyaga taklif etdi. Videolavhaga qarab, qoyil qolishingiz turgan gap: uyda sariq-yashil ramzlar ilinmagan biror nuqtaning o‘zi yo‘q. Har burchakda «Nant» belgilari...