Хонадонда клуб рамзи илинмаган бирор бурчакнинг ўзи йўқ. Айни пайт Франциянинг ўртамиёна жамоаси Лига 1 биринчи даврасини 13-қаторда якунлади. Эътиборлиси, «Нант» 2,5 ой давомида бирор расмий ўйинни бой бергани йўқ.

Хуллас, нантликлар ҳозирда жуда яхши спорт формасидалар. Мағлубиятсиз 9та учрашув - бу замонавий футбол учун ваҳимали натижа ҳисобланмайди, албатта. Лекин бунақаси «Нант» каби клублар ҳаётида ҳар доим ҳам кузатилавермайди. Шундай экан, камтарин жамоалар мухлислари ҳар қандай ижобий серия­ни чинакамига қардлашади. «Нант»да эса бундай жонкуяр фанатлар етарлича топилади.

Пату Лоик Морисе хоним «Нант»ни керак бўлса, жонидан ҳам ортиқ кўрадиган шундай мухлисалардан биридир. Бу аёлни Нант шаҳрида жамоа­нинг энг садоқатли мухлисаси сифатида таърифлашади. Унинг яшаш хонадонига бош суққан инсон дарҳол барчасини тушунади. Мана, Пату хоним яқинда ижтимоий тармоқ орқали хоҳловчиларни ўз уйи бўйлаб махсус видеоэкскурсияга таклиф этди. Видеолавҳага қараб, қойил қолишингиз турган гап: уйда сариқ-яшил рамзлар илинмаган бирор нуқтанинг ўзи йўқ. Ҳар бурчакда «Нант» белгилари...