«Torino» safida to‘p tepayotgan gollandiyalik 23 yoshli himoyachi Perr Sxyurs faoliyatini Ispaniya La Ligasida davom ettirishi mumkin. Bu haqda Fichajes sahifalarida xabar berilgan.
Manbaga ko‘ra, uning xizmatlariga Madridning «Atletiko» klubi qiziqish bildirmoqda. Futbolchi uchun bahsda «matraschilar»ning asosiy raqibi «Lester» hisoblanadi.
Perrning transfer narxi 12 million yevroga baholanmoqda. U o‘tgan yozda Turin klubi safiga qo‘shilgandi. U bilan 2026 yilning o‘rtalarigacha hisoblangan uzoq muddatli mehnat shartnomasi tuzildi.
A Seriyaning joriy mavsumida himoyachi 15 ta o‘yinda maydonga tushib, 2 ta golga assistentlik qildi va 3 ta sariq kartochka oldi.