"Real Madrid" yarim himoyachisi Federiko Valverde maydonda o‘zi uchun qulay bo‘lgan pozisiya haqida gapirdi.

"Mening sevimli pozisiyam? To‘g‘risini aytsam, menga ko‘proq yarim himoyada o‘ynash yoqadi. Bu pozisiya men uchun eng qulay, ammo qanot hujumchisi sifatida o‘ynaganimda ham o‘zimni baxtli his qilaman”, dedi Valverde “Al-Ahli”ga qarshi klublar o‘rtasidagi jahon chempionati yarim finali oldidan o‘tkazilgan matbuot anjumanida.

Valverde bu mavsumdagi faoliyatidagi eng yaxshi statistikani ko‘rsatmoqda. Urugvaylik futbolchi La Ligada oltita gol va ikkita golli uzatmaga ega.