"Реал Мадрид" ярим ҳимоячиси Федерико Вальверде майдонда ўзи учун қулай бўлган позиция ҳақида гапирди.
"Менинг севимли позициям? Тўғрисини айтсам, менга кўпроқ ярим ҳимояда ўйнаш ёқади. Бу позиция мен учун энг қулай, аммо қанот ҳужумчиси сифатида ўйнаганимда ҳам ўзимни бахтли ҳис қиламан”, деди Вальверде “Ал-Аҳли”га қарши клублар ўртасидаги жаҳон чемпионати ярим финали олдидан ўтказилган матбуот анжуманида.
Вальверде бу мавсумдаги фаолиятидаги энг яхши статистикани кўрсатмоқда. Уругвайлик футболчи Ла Лигада олтита гол ва иккита голли узатмага эга.
