Futbol bo‘yicha Turkiya chempionati o‘yinlari 17 fevral kuni davom ettiriladi, deb xabar berdi Turkiya futbol federasiyasi matbuot xizmati.
7-12 fevral kunlari bo‘lib o‘tishi kerak bo‘lgan barcha o‘yinlar 17-20 fevral kunlari bo‘lib o‘tadi. Dushanba kuniga belgilangan o‘yinlar 21-23 fevral kunlari o‘tkaziladi.
Avvalroq, yirik zilzila sababli Turkiya chempionatining bugun bo‘lib o‘tishi kerak bo‘lgan – “Umraniyespor” – “Adana Demirspor”, “Giresunspor” – “Kayserispor” va “Fenerbaxche” – “Konyaspor” jamoalari o‘rtasidagi o‘yinlar bekor qilingan edi. Shuningdek, voleybol, qo‘l to‘pi, og‘ir atletika va boshqa sport turlari bo‘yicha musobaqalar o‘tkazilmaydi.
Turkiyaning janubi-sharqida 6 fevralga o‘tar kechasi 7,8 magnitudali zilzila yuz berdi va bu mamlakatda 1939 yildan beri eng kuchlisi bo‘ldi. Zilzila episentri Gaziantep shahri yaqinida joylashgan.
