Футбол бўйича Туркия чемпионати ўйинлари 17 февраль куни давом эттирилади, деб хабар берди Туркия футбол федерацияси матбуот хизмати.

7-12 февраль кунлари бўлиб ўтиши керак бўлган барча ўйинлар 17-20 февраль кунлари бўлиб ўтади. Душанба кунига белгиланган ўйинлар 21-23 февраль кунлари ўтказилади.

Аввалроқ, йирик зилзила сабабли Туркия чемпионатининг бугун бўлиб ўтиши керак бўлган – “Умраниеспор” – “Адана Демирспор”, “Гиресунспор” – “Кайсериспор” ва “Фенербахче” – “Коньяспор” жамоалари ўртасидаги ўйинлар бекор қилинган эди. Шунингдек, волейбол, қўл тўпи, оғир атлетика ва бошқа спорт турлари бўйича мусобақалар ўтказилмайди.

Туркиянинг жануби-шарқида 6 февралга ўтар кечаси 7,8 магнитудали зилзила юз берди ва бу мамлакатда 1939 йилдан бери энг кучлиси бўлди. Зилзила эпицентри Газиантеп шаҳри яқинида жойлашган.