"Bavariya" sport direktori Xasan Salixamidjich klublarning himoyachi Benjamin Pavarga qiziqishi haqida gapirdi.
“Biz Pavarni sotib olish uchun taklif oldik, lekin biz uni qo‘yib yuborishni xohlamaymiz. Bu moliyaviy nuqtai nazardan jozibador taklif edi, ammo sport jihati birinchi o‘rinda turadi", - deya Salixamidjichning so‘zlarini keltiradi Bild.
26 yoshli himoyachining Myunxen klubi bilan shartnomasi 2024 yilning iyun oyi oxirigacha amal qiladi. 2022/23 yilgi mavsumda Pavar "Bavariya" safida 25 ta o‘yinda 4 ta gol urgan.
Transfermarkt.com portali futbolchining narxini 35 million yevroga baholamoqda.













