"Manchester Yunayted" bosh murabbiyi Erik ten Xag hujumchi Antoni Marsyal muntazam duch keladigan sog‘lig‘i bilan bog‘liq muammolar haqida gapirdi.

“Marsyal har safar turli xil muammolarga duch keladi. Hozir sonidan jarohat olgan. Marsyal bu mavsumda bitta ham o‘yinga 100 foiz tayyor bo‘lmagan. Lekin u 80, 85 yoki 90 foiz tayyor bo‘lganda ham doim jamoaga yaxshi ta’sir o‘tkazgan.

Menimcha, Marsyal bu mavsumda tiklanish uchun eng ko‘p vaqtini bazada o‘tkazdi. U bunday hodsilar sodir bo‘layotganidan afsusda. Biz uning har doim tayyor bo‘lishini istaymiz, chunki u bizning o‘yinimizni yaxshilaydi" - dedi Ten Xag jurnalistlarga.

"Manchester Yunayted" chorshanba kuni o‘z uyida "Lids"ga qarshi APL o‘yinini o‘tkazadi.