Turkiyaning «Iskenderunspor» klubi bosh murabbiyi Ibrohim Xalil Olmez zilzila paytida olgan jarohatlari tufayli vafot etdi.
«Iskenderunspor» Turkiyaning uchinchi divizionida o‘ynaydi.
«Zilziladan so‘ng vayronalar ostidan olib chiqilib, jonlantirish bo‘limiga yotqizilgan murabbiyimiz Ibrohim Halil Olmezning bu dunyoni tark etganidan chuqur qayg‘udamiz.
Uning oilasi va yaqinlariga hamdardlik bildiramiz», — deyiladi «Iskenderunspor» bayonotida.
6 fevralga o‘tar kechasi Turkiya janubi-sharqida 7,8 magnitudali zilzila sodir bo‘ldi va 1939 yildan beri mamlakatdagi eng kuchli zilzilaga aylandi.
Zilzila episentri Gaziantep shahri yaqinida joylashgan. Turkiya barcha milliy sport tadbirlarini bekor qildi.
