Туркиянинг «Искендерунспор» клуби бош мураббийи Иброҳим Халил Олмез зилзила пайтида олган жароҳатлари туфайли вафот этди.
«Искендерунспор» Туркиянинг учинчи дивизионида ўйнайди.
«Зилзиладан сўнг вайроналар остидан олиб чиқилиб, жонлантириш бўлимига ётқизилган мураббийимиз Иброҳим Ҳалил Олмезнинг бу дунёни тарк этганидан чуқур қайғудамиз.
Унинг оиласи ва яқинларига ҳамдардлик билдирамиз», — дейилади «Искендерунспор» баёнотида.
6 февралга ўтар кечаси Туркия жануби-шарқида 7,8 магнитудали зилзила содир бўлди ва 1939 йилдан бери мамлакатдаги энг кучли зилзилага айланди.
Зилзила эпицентри Газиантеп шаҳри яқинида жойлашган. Туркия барча миллий спорт тадбирларини бекор қилди.
