Madridning «Real» klubi hujumchisi Marko Asensio klublar o‘rtasidagi jahon chempionati yarim finalida «Al-Axli»ga qarshi bahsda maydonga tushmaydi.
Marca xabariga ko‘ra, futbolchi mashg‘ulotlardan birida o‘ng oyog‘ida noqulaylik his qilgan. Karlo Anchelotti bugungi uchrashuvda shifokorlarni tinglashga va futbolchidan foydalanmaslikka majbur bo‘ldi. Ertaga ispaniyalik ushbu jarohat mohiyatini ko‘rsatuvchi tibbiy tekshiruvdan o‘tadi.
Eslatib o‘tamiz, asosiy darvozabon Tibo Kurtua, hujumchi Karim Benzema va himoyachi Eder Militaolar ham «Al-Axli»ga qarshi o‘yinda «qaymoqranglilar»ga yordam bermaydi, ammo ular turnir finalida o‘ynashlari ehtimoli katta.
